Кампанія 193 - За свабоду асацыяцыі ў Беларусі

Кампанія 193 - За свабоду асацыяцыі ў Беларусі




Адкрыты ліст сп. Аляксандру Лукашэнку, Прэзідэнту Рэспублікі Беларусь

Паважаны сп. Прэзідэнт,

Мы выражаем сурёзную занепакоенасьць адносна суду над Кацярынай Салаўёвай, які адбудзецца 8 красавіка ў Полацку.

Супраць Кацярыны Салаўёвай узбуджана крымінальная справа па артыкуле 193.1 КК Рэспублікі Беларусь. Згодна з артыкулам 193.1, удзел у дзейнасьці незарэгістраванай арганізацыі зьяўляецца злачанствам.

Пасьля прыняцьця артыкулу 193, беларускія і замежныя праваабарончыя арганізацыі падверглі яго рэзкай крытыцы, бо мелі сурёзныя прычыны лічыць, што ён можа быць скарыстаны для ціску на легітымную палітычную апазіцыю. З практыкі бачна, што гэтыя страхі былі апраўданыя: на сёньняшні момант 13 чалавек былі абвінавачаныя па артыкуле 193.1 падчас відавочна палітычна-матываваных працэсах.

Артыкул 193.1 несумнеўна пярэчыць Канстытуцыі Рэспублікі Беларусь, якая гарантуе свабоду асацыяцыяў. Больш за тое, ён несумяшчальны з Міжнародным Пактам ААН аб Грамадзянскіх і Палітычных Правах (Артыкул 22), падпісаным і ратыфікаваным Рэспублікай Беларусь.

Таму мы заклікаем вас тэрмінова выключыць артыкул 193.1 з Крымінальнага Кодэксу Рэспублікі Беларусь, так, каб ні Салаўёва, ні іншыя не рызыкавалі быць пакаранымі за карыстаньне сваім канстытуцыйным правам на свабоду асацыяцыяў.


З павагай,

Марцін Уггла, Старшыня,
Шведская Ініцыятыва за Дэмакратыю і Правы Чалавека
Сафія Уггла, Старшыня,
Шведская Ініцыятыва за Дэмакратыю і Правы Чалавека

Мэты Кампаніі 193 - За свабоду асацыяцыі ў Беларусі

Актывізацыя ўвагі шведскіх палітыкаў і грамадскасьці да недапушчальных абмежаваньняў свабоды асацыяцый у Беларусі.

Маральная і матэрыяльная падтрымка беларускіх арганізацый, якія пацярпелі ў выніку сваёй дзейнасьці ад дзяржавы.


Платформа Кампаніі 193

Кампанія 193 выказвае сваю падтрымку арганізацыям, якія пацярпелі ад ганеньняў беларускага рэжыму, асабліва ліквідаваным арганізацыям, якія вымушаныя зараз працаваць нелегальна.

Кампанія 193 заклікае беларускія ўлады гарантаваць свабоду асацыяцый у Беларусі згодна Дэкларацыі правоў чалавека ААН і неадкладна адмяніць артыкул 193 Крымінальнага Кодэксу Рэспублікі Беларусь (незаконная арганізацыя дзейнасьці грамадскага абяднаньня, рэлігійнай арганізацыі або фонду, або ўдзелу ў іх дзейнасьці).

Кампанія 193 заклікае ўрады дэмакратычных краін звярнуць увагу на недапушчальныя абмежаваньні свабоды асацыяцыі у Беларусі і патрабаваць адмены артыкула 193.

Кампанія 193 збірае сродкі для праектаў у падтрымку свабоды асацыяцыі ў Беларусі. Усе сабраныя сродкі цалкам будуць накіраваныя ў першую чаргу на праекты падтрымкі дзейнасьці ліквідаваных арганізацый, якія працуюць на дэмакратыю і правы чалавека.